Како што можете да приметите и по самиот наслов, јас сум голем обожавател на iPhone и воопшто на Apple уредите. Но, во овој случај би се задржал на темата, што ги тера луѓето, односно зошто би избрале iPhone наместо некој друг паметен телефон и со што Apple ги привлекува купувачите.
Во 2007-ма, често оспоруваниот за неговиот начин на менаџирање, но никогаш критикуван за неговата генијалност, Steve Jobs за прв пат го претстави iPhone-от. Тоа беше вистинска револуција во начинот на користење на мобилниот телефон. Од психилошка гледна точка, култот за iPhone и за Steve Jobs се уште траат.
Сјајното гризнато јаболко на задниот дел на телефонот стана симбол со кој луѓето на некој начин го покажуваат својот успех и можеби некое достигнување во животот. Ако имаш iPhone, според некои, значи дека си финансиски постабилен и дека си поуспешен.
Но сепак, на страна од општественото влијание, има и други технички причини поради кои би одбрале iPhone наместо било кој друг паметен телефон.
За iPhone може да се каже дека има загарантирани Софтверски Ажурирања уште долго откако ќе го купите. iOS е единствената мобилна платформа која Ви гарантира дека ќе добивате софтверски ажурирања најмалку 5 години откако ќе го купите. На пример, iPhone 5 може да го ажурирате на најновиот iOS 10, а има поминато веќе 4 години откако е претставен на пазарот.
Најдобрите апликации скоро секогаш прво се појавуваат на App Store, а исто така, често има и апликации кои излегуваат екслузивно само на App Store, како на пример Super Mario, најновата игра на Nintendo.
Ослободени сте од софтвер инсталиран од операторот. Операторите често знаат да инсталираат непотребни апликации на Android уредите, а iPhone никогаш не доаѓа со таков софтвер.
Предноста кога купувате Apple, односно iPhone е тоа што имате многу, многу подобра корисничка поддршка. Влезете во било кој Apple Store или некој Reseller и веднаш ќе ја добиете вистинската помош.
Дизајнот на iPhone, иако не е драстично променет во последните години, сепак според мене моментално е најдобар и сите пробуваат на некој начин да се приближат до него, како на пример Samsung, Huawei или Xiaomi со нивните најнови модели.
Екосистемот е доведен до совршенство. Некој Ви ѕвони или некој Ви испратил SMS на Вашиот iPhone? Можете да одговорите на повикот или на пораката директно од Вашиот MacBook. Исто така, можете да пишувате mail на Вашиот компјутер и да се префрлите и да продолжите со пушувањето на Вашиот iPhone. Microsoft пробуваат да го имплементираат истиот систем, но некако тешко успеваат во тоа.
Интеграцијата помеѓу хардверот и софтверот е беспрекорна. iOS функционира исклучиво за iPhone, а Android е имплементиран на стотина уреди и поради тоа често се случува да има bug-ови и да не функционира софтверот онака како што треба за конкретниот модел на Android телефон. И по неколку години, откако ќе сакате да го купите најновиот iPhone, Вашиот стар iPhone можете многу лесно и скапо да го продадете бидејќи држи цена и побарувачката на пазарот е голема.
Ова се дел од причините зошто би се одлучиле за iPhone наместо за некој друг паметен телефон. Во случајов, можеби сум малку пристрасен, но не сакам да ми се лутите поради тоа, ова е мое мислење и би сакал да го прочитам и Вашето, па и да продискутираме на оваа тема.
