Samsung мораше целосно да го прекине производството на Galaxy Note 7 поради проблемите со батеријата кои предизвикуваа истата да се запали. Можеби бројот на вакви случаи не беше огромен, меѓутоа во доволно голема бројка за да се направи штетата по угледот на производот и компанијата.
Не помина многу време, па интернет заедницата очекувано направи шега на сметка на телефонот, креирајќи посебен мод во познатата игра GTA V каде Note 7 се користи како бомба.
Видеото нормално стана многу познато, па од Samsung не им се допадна да негативниот публицитет продолжи на нивна сметка.
Затоа од таму решаваат да поднесат барање за симнување на YouTube видеото каде беше прикажано играњето на играта со Note 7 како бомба. Истото веќе не може да се гледа, меѓутоа како и секогаш на интернет, кога една работа ќе биде тргната, излегуваат многу повеќе на нејзино место.
Зошто од Samsung се решаваат на ваков потег кој само дополнително им носи негативни поени, не ни е јасно. Исто така, тие сигурно знаеле дека од интернет ништо не може да биде тргнато, а кој ќе се обиде да направи нешто такво, обично е „казнет“ со излегување на повеќе работи од тоа што било цел на тргањето.
