На настанот кој Apple го одржа вчера, покрај двата паметни часовници, Apple Watch Series 6 и Apple Watch SE, ја претстави и осмата генерација од основниот и најстар iPad лаптоп компјутер.
Овој основен iPad е таблетот со 10,2 инчен екран, односно првиот iPad што беше претставен, а сега веќе ја добива својата осма генерација. Со оглед на тоа што сега ги има iPad Air, како и Pro моделите, овој iPad останува да биде основен модел или како што го нарекуваат од Apple, најпопуларниот iPad.
Главната новина кај овој модел, кој го задржува изгледот, е воведувањето на A12 Bionic чипот, кој иако не е нов, му дава на таблет компјутерот големо подобрување на перформансите. Од Apple истакнуваат дека овој iPad има 40% подобрени перформанси во споредба со претходниот модел, како и дупло подобри перформанси кога е во прашање графиката.
Интересно, Apple прави споредба и со конкурентите на пазарот на лаптопи, па истакнуваат дека новиот iPad е два пати побрз од најпродаваните Windows лаптопи, до три пати побрз од најпродаваните Android таблет компјутери, а дури до шест пати побрз од најпродаваните Chromebook лаптопи.
Секако, кога се кажува најпродавани, обично тоа се просечни модели, кои чинат до околу 500 евра, а Apple се познати по добрите перформансите на нивните чипови, па ова тврдење може да се земе како точно.
Осмата генерација од iPad доаѓа и со поддршка за Apple Pencil, но првата генерација, а исто така големи новини може да се очекуваат од iPadOS 14.
Почетната цена на новиот iPad ќе биде 329 долари, а моделот со мобилна конекција ќе се продава со цена од 459 долари.