Google минатата недела ја претстави првата програмерска верзија од Android 13 и со тоа официјално започна јавното тестирање на наредната генерација од овој оперативен систем.
Како дел од Android 13, Google ќе ја вгради познатата KVM – Kernel-based Virtual Machine алатка во обид да ја намали фрагментираноста која е карактеристична скоро за секој дел од овој оперативен систем.
Оваа алатка овозможува инсталација на други оперативни системи, меѓу другото, поради тоа што овозможува целосен пристап до ресурсите од уредот.
Програмерите веќе ја искористија оваа нова можност и го инсталираа Windows 11 на Google Pixel 6. Од сликите може да се види целосната инсталација на системот, како и функционирањето на апликациите.
Се гледаат и ресурсите преку Task Manager, па станува јасно дека мобилните се станати доволно моќни за да може на нив да функционираат и оперативни системи наменети за компјутерите.
Според коментарите од програмерот кој го инсталира Windows 11, перформансите се задоволителни и покрај тоа што може да се користи стандардно, на него може да се играат и некои игри, иако не успеал добро да ја направи интеграцијата на графичкиот процесор со системот.