До пуштањето на најновата, 20161, тест верзија од Windows 10, дел од Dev каналот, според новите имиња, немавме ни малку претстава кога може да го очекуваме „новото“ Старт мени кое беше најавено на почетокот од година. Сега истото може да го пробаат сите корисници кои ќе ја инсталираат Dev верзијата од Windows 10.
Промените кај Старт менито во главно се поврзани со тргање на бојата на плочките, која сега е иста зависно од избраниот режим и останати бои, но најважно од се, плочките се проѕирни и акцентот е ставен на иконите со што се добива многу подобра прегледност и избор на апликациите.
Исто така, тргнати се рамките, односно квадратите во боја околу иконите на листата со апликациите на левата страна од Старт менито, со што генерално според нас ова мени сега изгледа многу подобро.
„Живоста“ на плочките останува, нешто што не беше сигурно дали ќе биде така по низата неофицијални информации дека Microsoft ќе ја откаже оваа функција. Тоа значи дека апликациите како Mail, Calendar, Weather и други кај кои е практично и логично да прикажуваат информации, ќе продолжат да го прават истото.
Промени кои вреди да се истакнат има уште неколку во оваа тест верзија од Windows 10, а сите, заедно со новото Старт мени, можете да ги погледнете во одличното „hands-on“ видео на почетокот од оваа статија, направено од дечките од Windows Central.
