Организаторите на Стартап Викенд ве покануваат да бидете дел од Стартап Викенд Академијата: “Од одлука до развој на Старт-ап во Македонија”.
Што претставува?
Стартап академијата е иницијатива на организаторите на Стартап Викенд Скопје, која што ќе се одржува од 19ти до 21ви октомври, во соработка со ЊуМенс Бизнис Акцелераторот и се организира со цел да ги подготви и насочи своите учесници за нивно успешно претставување на претстојниот Стартап Викенд Скопје. На истата ќе имате можност да научите од локални и странски експерти, да го слушнете нивното искуство и да добиете совети за подобрување или реализација на вашата идеја.
Што ќе научите?
Академијата вклучува три модули, кои што ќе им обезбедат на учесниците искуства од претприемачи и поддржувачи на заедницата, како и реални информации за тоа што значи да се донесе одлука за отпочнување и развој на Стартап бизнис во Македонија. Секој модул е со времетраење од 2 часа, и ќе ги опфати следните теми:
Среда, 19 октомври: Од едукација до старт-ап за време на студирањето;
Четврток, 20 октомври: Успешно брендирање, соработка со заедницата и приватниот сектор;
Петок, 21 октомври: Пристап до ресурси, финансирање и презентирање на идејата.
Кој може да се пријави?
Академијата е наменета за сите старт ап ентузијасти од различни индустрии, кои што имаат почетна бизнис идеја и сакаат да учествуваат на Стартап Викенд Скопје.
Новитет!
Картата за оваа академија изнесува 300 денари и со активно слушање на 90% од предавањата добивате бесплатно учество на Стартап Викенд Скопје.
Пријави и поважни линкови:
Регистрационен линк – отворен до Вторник 18 октомври.
Евентот на Фејсбук – информации за настанот и предавачите.
Локација на одржување: ЊуМенс Бизнис Акцелератор (Женевска 17б, Тафталиџе)
Побрзајте, местата се органичени !
