Функција која корисниците на OneDrive ја бараат и чекаат најмалку 6 години, а веќе одамна е достапна кај еден од најголемите конкуренти, Dropbox, конечно е достапна кај овој сервис од Microsoft.
Се работи за „differential sync“, односно синхронизација само на променетите делови од датотеката која веќе е прикачена на OneDrive.
Досега, кога корисниците правеа промени на своите датотеки на OneDrive од нивниот компјутер, на пример, повторно се прикачуваше целата датотека, иако може само 10% од истата се нови, односно променети.
Со оваа новина, ќе се заштеди на интернет сообраќај, кој во случај со голем број на датотеки може да не е толку мал, како и времето кое е потребно да се синхронизира една датотека. Разликата не е мала, а повторно со примерот на 10% направени промени, разликата во прикачување е голема кога не се прикачува повторно целата датотека.
Оваа новина ќе им биде достапна на сите корисници на OneDrive, на сите платформи, како и за сите видови на датотеки. Со оглед на тоа што моментално нема никаква ознака, промената може да ја забележите доколку почесто го следите синхронизирањето на OneDrive, па овој процес сега ќе биде забележително побрз.
💥[boom it's done] I love it when the team resolves @onedrive User Voice suggestions with thousands of votes! "Enable differential sync (only sync parts of the files that changed)" – is now rolled out to all customers https://t.co/lQUTiUrzqn
— Omar Shahine (@OmarShahine) April 27, 2020