Доскорешниот прв човек на Xbox, Фил Спенсер доби задача да ја води компанијата Microsoft во областа на гејмингот. Целокупниот бизнис поврзан со видео игрите ќе биде во рацете на Спенсер. Од него ќе се очекува да создаде тим кој за извесно време ќе може да произведува премиум играчки платформи и врвна продукција. За таа цел Microsoft ќе побара засилување од старата гарда.
Гласините велат дека постојат сериозни шанси компанијата да преземе некое од искусните студија Electronic Arts и Valve. Ако се земе в предвид буџетот на Microsoft, тоа е сосема изводливо. Само за потсетување EA има потпис на сите NBA и FIFA серијали, франшизата Need For Speed и ред други врвни остварувања. Valve пак може да се пофали со Half Life и во последно време мегапопуларната PlayerUknowns Battleground.
Во компанијата проблемот со заостанувањето зад Sony PlayStation го лоцираат во недостатокот од ексклузива. Како што е познато, Sony поседува свои студија кои произведуваат игри наменети ексклузивно за нивната платформа. За очекување е Xbox да го следи примерот и со купување на едно од овие студија. Во секој случај, ваквите наводи се уште не се коментирани од страна на Microsoft.
