Samsung закажа настан кој ќе се одржи на 28-ми април со почеток во 16:00 часот по македонско време. Овој настан, како и сите други изминатите година дена, ќе се одржи само онлајн, а ќе може да се следи преку YouTube каналот од компанијата.
Во најавата, која доаѓа и со „тизер“ видео, сепак нема никаков знак за што е тоа што можеме да го очекуваме. Слоганот на најавата е дека најмоќниот Galaxy доаѓа, но тоа може да се каже за било кој уред.
Сепак, според неофицијалните информации, не треба да очекуваме нов смартфон, а исто така не треба да се очекува ни Galaxy Z Fold3.
Тоа што најверојатно ќе биде претставено е нова генерација од лаптоп компјутерите од Samsung, кои ќе дојдат со моментално најновото достапно на пазарот од аспект на чипови, меморија и слично.
Со оглед на тоа дека се работи за Samsung, посебни очекувања секако треба да се има за екраните, а се најавува и дека тие ќе имаат многу мали рамки.