Нови протечени податоци за Google Pixel 2 смартфоните, најавуваат трета верзија, покрај Pixel 2 и Pixel 2 XL, која ќе има супер голем дисплеј. Како информациите алудираат на ова? Самото кодно име на овој смартфон Taimen е всушност многу голема риба, а досега Google сите кодни имиња на смартфоните ги даваше по некоја риба.
Сите Nexus и Pixel уреди досега имаа кодни имиња од помали риби до околу 17 килограми, но Taimen има над 100 килограми. Сето ова може да испадне дека е само претпоставка, но факт е дека за Pixel серијата оваа година има три кодни имиња – Muskie, Walleye и Taimen. Ова може да се анализира и на малку подруг начин, а тоа е дека Taimen ќе биде всушност голем Pixel таблет, но самото тоа што и Apple (најверојатно) спрема трет iPhone може да е доволна причина и Google да направи ист потег.
Самите Pixel 2 смартфони скоро сигурно ќе имаат Snapdragon 835 процесор со 4 GB рам меморија и Android O оперативен систем. Очекувајте и двојна камера, можеби и напред и позади, како и многу понапреден дизајн со стакло напред и позади – актуелните модели се стилизирани прилично конзервативно.
Секако, една од главните карактеристики на Pixel 2 смартфоните ќе бидат софтверските новитети кои за прв пат ќе бидат имплементирани со Android O.
Извор: Forbes, Android Headlines, BGR
