Windows 10 е достапен за корисниците уште од крајот на јули оваа година. Меѓутоа, како и обично, не сите корисници веднаш се одлучуваат да ја инсталираат новата верзија на самиот почеток. Голем процент од корисниците чекаат да помине одреден период, па да излезат нови надградби кои што ќе ги испеглаат потенцијалните проблеми и багови во првата верзија. Од ноември достапна е новата верзија од Windows 10, па корисниците кои што сега се решија да за првпат го пробаат новиот оперативен систем, „Што после инсталирање на Windows 10 ?“ е одлична статија за почеток на користењето.
Изминатата недела повторно можевме да прочитаме гласини за веќе одамна неофицијално најавуваниот Surface Phone. Овој пат гласините говорат за можноста тој да биде претставен идната година, а задолжен за неговиот развој нема да биде тимот на Lumia, туку тимот кој што ги направи другите, сега веќе супер успешни, Surface уреди.
Apple изгледа размислува за влез во технологијата на 3D печатење, што со сигурност може да кажеме дека е права технологија на иднината. Денес ги гледаме само почетоците од тоа што оваа технологија ќе може да го направи. Apple за таа цел се здоби со патент кој што покажува дека тие планираат и одредено унапредување на денешната технологија со можност истата да печати во боја.
Уште една навистина интересна статија која што исто така се однесува на технологии кои што почесто ќе ги гледаме во иднина, е поврзана со компанијата Hamai. Тие развиваат технологија за која што најавуваат дека ќе биде во можност да ја пренесе меморијата на човкот од мозокот во вештачка интелигенција. Ова се најавува како еден вид на воскреснување на човекот по неговата смрт.
Western Digital, поточно компанија во нивна сопственост, претстави хард диск со капацитет од 10 терабајти. Она што сепак го прави овој диск посебен е хелиумот кој што е користен за добивање на многу поголеми брзини на читање на податоци. Тоа се постигнува поради помалата густина на хелиумот, со што се овозможува полесно и побрзо движење на деловите од дискот кои што на овој начин имаат помал отпор од воздухот.
Други статии кои што ја одбележаа минатата недела и вреди да ги прочитате се следните:
- Samsung ја претстави втората генерација од Galaxy A серијата
- X6 и X6 Plus се новите модели на Vivo кои неодоливо потсетуваат на iPhone
- Tech Tats се „паметни“ тетоважи кои ветуваат многу
- Airbus патент за заменливи кабини со веќе натоварени патници
- OnePlus направи футрола за iPhone 6S со која сака да привлече повеќе купувачи?
- Корисниците на PS4 наскоро ќе можат да ги играат игрите и на својот компјутер преку Remote Play
- Од наредната година во Formula E ќе се тркаат болиди без возачи
- Мичио Каку за феноменот на дежаву и паралелните универзуми
- Aftershock Titan е мега моќен гејмерски лаптоп со десктоп компоненти
- 5G стандардот треба да биде одреден до 2020
- Нов софтвер ќе овозможи 4K резолуција кај телефоните
- Видете ги радио брановите околу вас со оваа апликација за проширена реалност
