Септемвриски филмски маратон на Pickbox

Pickbox овој септември не го обезбедува само најдоброто сериско туку и филмско искуство. Додека ги чекаме новите серии како „Американска готика“ и „Бул“, оваа есен тука се дури 43 филмови за разонода и повеќечасовно уживање. Гледачите помеѓу другото ги очекуваат филмовите на филмските оскаровци Френсис Форд Копола, Сидни Полак, Мартин Скорсезе, Милош Форман, Мел Брукс и подеднакво генијалните Гас ван Сант, Иван Рејтман и Роберт Родригез. Сите 43 филмски наслови се достапни веднаш на Pickbox, а на обожавателите на скриените филмски бисери од познатите режисери им препорачуваме дополнителни пет наслови.

Народот против Лари Флинт (The People vs. Larry Flint)

Ако уште немате слушнато за човекот по име Лари Флинт кој на американските судови се борел за слободата на порнографијата, можеби е вистинско време да ја погледнете неговата биографија во режија на Милош Форман. Лари Флинт, човекот кој стои зад списанието „Хаслер“, е вистински никаквец со злобен карактер, но во неговата визија на свет без граници има нешто неодоливо. „Хаслер“ своевремено ги рушел сексуалните табуа, им ги проширувал видиците на илјадници мажи, а бил поексплицитен од „Плејбој“ и од „Пентхаус“. Како течела приказната со „Хаслер“ и со непобедливиот и сега веќе култен Лари Флинт, гледајте во филмот што освои две номинации за „Оскар“, во кој играат Вуди Харелсон, Кортни Лав и Едвард Нортон, а кој Милош Форман го смета за свое најдобро остварување.

Време на невиноста (The Age of Innocence)

Наградуваниот со „Оскар“ и по малку запоставен филм на Мартин Скорсезе има актерска екипа од соништата (Даниел Деј-Луис, Мишел Фајфер, Винона Рајдер), а ја носи приказната од високото њујоршко друштво од 19 век. Тука се една скандалозно разведена дама, еден престолонаследник од угледно семејство и романса која е на раб на скандал. Елегантниот но и живописен филм ја носи приказната за општество во кое лицемерието и преправањето се поприфатливи од општественото срамотење или, не дај боже, од скандал. А колку овој филм е емотивно тежок зборува и фактот дека Мартин Скорсезе изјавил дека ова е филм со најмногу насилство што го има снимено, а зборуваме за човек кој е автор на „Таксист“ и на „Добрите момчиња“ (Goodfellas).

Пеги Су се омажи (Peggy Sue Got Married)

Од Френсис Форд Копола, човекот што ги режираше „Кум“ и „Апокалипса сега“, пристигнува овој помалку познат филм што заработи три номинации за „Оскар“. Патување низ времето (а не е научна фантастика) и враќање во сопственото минато за да се повторат истите грешки или да се избере поинаква насока. Пеги Су има четириесетина години, тукушто била на својата годишнина од матурата, се онесвестила и, ете, повторно е во својата младост. Кетлин Тарнер е совршена средовечна жена и ученичка, а како дополнително интересна појава, тука се и младите Џим Кери и Николас Кејџ.

Потрага по среќа (The pursuit of happyness)

Филмот со Вил Смит е приказна за американскиот сон кој не успеал и за тоа дека од лошо секогаш има и полошо. Потрага по среќа  е слика на современата Америка во која успехот може да биде голем, а неуспехот може да доведе до целосна пропаст. А кога сѐ ќе се нареди против вас, како и против младиот татко кој се обидува да го продаде својот изум, кого жена му го оставила и ја изгубил куќата, тогаш морате да играте на сѐ или ништо. На моменти е тежок за гледање, а сепак е полн со топли и смешни мигови, па овој филм ќе ве натера да го преиспитате сето тоа што го земате здраво за готово во својот живот. Филмот Потрага по среќа е снимен според вистинит настан, а синот на Вил го игра неговиот вистински син Џејден.

Момците од маалото (Boyz n the Hood)

Филмот во кој тема се растењето на улица, насилството, расизмот и сиромаштијата, е многу повеќе од приказна за бандите. Овој сега веќе култен филм, кој наполни 25 години, го донесе духот на Лос Анџелес таков каков што ретко се гледа на екраните, а кој е далеку од гламурот на Холивуд. Деца што растат без родителска грижа, оставени сами на себе, во соседство во кое убиствата и дрогата се секојдневие, денот е преполн со бруталност, а преживувањето е вистински предизвик. Приказната се врти околу тројца тинејџери кои го бараат своето место во светот, но животот во гетото ретко кому може да му обезбеди нормална младост. Номиниран за два „Оскара“, овој филм се смета за еден од најдобрите афроамерикански филмови во историјата.

Другите филмски наслови кои тукушто пристигнаа на Pickbox:

Синиот дијамант (Blue streak)

Двовековен човек (Bicentennial Man)

Било еднаш во Мексико (Once Upon a Time in Mexico)

Ла бамба

Наоѓањето на Форестер (Finding Forrester)

Пруги (Stripes)

Какви бевме (The Way we Were)

Спајдермен 3 (Spider-Man 3)

Чарлиевите ангели 2 (Charlie’s Angels: Full throttle)

Крај на врската (The End of the Affair)

Полноќен експрес (Midnight Express)

Одовде до вечноста (From Here to Eternity)

Седум години на Тибет (Seven Years in Tibet)

Стигнавме ли? (Are we there yet?)

Ритамот на улицата (Stomp the Yard)

Мрежа (The Net)

Уште знам што правеше минатото лето (I Still Know What you did Last Summer)

Сината лагуна (The Blue Lagoon)

Длабочина (The Deep)

Лудо летување (RV)

Вертикална граница (Vertical Limit)

Истерувачи на духови (Ghostbusters)

Јас, шпион (I Spy)

Случајни срца (Random Hearts)

Нинџа од Беверли Хилс (Beverly Hills Ninja)

Чувајќи ја Теса (Guarding Tess)

Големата задача (The Big Hit)

Стаклена куќа (The Glass House)

Фати-пушти (Catch and Release)

Сите убави коњи (All the Pretty Horses)

Максимален ризик (Maximum Risk)

Земја на слободата (Freedomland)

Духови од Марс (John Carpenter’s Ghosts of Mars)

Сите луѓе на кралот (All the King’s Man)

Сон за Африка (I Dreamed of Africa)

Банда Гридирон (Gridiron Gang)

Може да ти се случи и тебе (It Could Happen to You)

Месец на премиери на Pickboxu

Во септември гледајте барем една од многубројните премиери на Pickbox. Без разлика дали се работи за „Скорпион“, „Водолија“, „Скандал“, „Играч“, „Бесни кучиња“, „Ноќна смена“, „Чета Икс“, „Расипан град“, „Црникаво“, „Американска готика“, „Бул“ или „Моќ“, ниедна од овие серии нема да ве разочара.

гледајте ги на Pickbox и во склоп на Pickbox во видеотеката на Max TV.