Паметните часовници никогаш не ја добија популарноста која се очекуваше од производителите на почетокот од нивното прво претставување и почеток на продажба. Изгледа дека сепак корисниците не се спремни да имаат уште еден уред којшто треба да го полнат барем 2-3 пати во текот на неделата, за реално не доволно големи придобивки за да може да се оправда сето тоа.
Сепак, бројот на паметни часовници, односно нивната продажба, не е толку мал, па производителите не се откажуваат од нивно понатамошно претставување, а тука се разбира се и Apple чиј часовник е можеби и најпопуларен.
Според неофицијални информации од неколку извори, наредната, односно четврта генерација од Apple Watch ќе дојде со значителна надградба на изгледот. Со оглед дека ова е веќе година и повеќе тренд кај мобилните телефони, прашање на време беше кога ќе се примени и на паметните часовници.
Here’s exact to-scale drawings of Apple Watch Series 4 based on the rumors. Note the 38mm screen will be bigger than the current 42mm screen! ? pic.twitter.com/lh9VqPMQ7g
— Ryan Jones (@rjonesy) July 11, 2018
Конкретно мислиме на зголемувањето на екранот на уредот без потреба од зголемување на неговите димензии, со намалување на рамката околу екранот. Ова е нешто што се најавува за Apple Watch, а зголемувањето на екранот се најавува за 35-38% во споредба со моменталниот модел.
Ова дефинитивно ќе му даде многу подобар изглед на часовникот, а и ќе придонесе до нешто подобро корисничко искуство и прегледност на информациите.