„Пребарувачкиот“ гигант организира хуманитарен концерт, кој ќе биде пренесуван во живо преку “live streaming”. Фестивалот ќе има хуманитарна позадина, односно парите од картите и онлајн донациите ќе се искористат во хуманитарни цели.
GOODFest ќе биде фестивал кој ќе се одржува во пет различни градови во САД и за пет различни каузи. Тој ќе почне на 29 Ноември во Њујорк со бендот Glass Animals со кауза велокодушност. Потоа ќе продолжи во Њу Орлеанс со Гогол Бордело и кауза хуманост и Сиетл со D.R.A.M и кауза Земја. За последните два фестивали во Сан Франциско и Лос Анџелес сѐ уште не се објавени настапувачите, а каузите ќе бидат Еднаквост и Љубов.
Фестивалот има за цел да ги спои музиката, заедницата и технологијата и да ги слави прогресот, позитивноста и моќта на луѓето да го носат светот напред. Собраните пари ќе бидат донирани за непрофитни организации. Првиот фестивал во Њујорк на пример ќе собере пари за donorschoose.org.
Покрај тоа што се хуманитарни фестивали, Google ќе ги искористи GOODFest за промоција на своите Pixel паметни телефони, кои се „главни спонзори“ на настанот. Исто така, преносот од нив ќе се врши на нивниот YouTube и истиот ќе биде достапен за сите гледачи низ светот.
Извор: The Next Web, Business Insider, GOODFest
