7 декември 2016 год., Скопје. Во изминативе два дена (5ти и 6ти декември) Рана Чакрабарти од Пало Алто, Калифорнија, САД, Експерт за кориснички искуства од светскиот гигант SAP и лидер во корпоративни иновации работеше со пет македонски компании и група од 30тина студенти со цел креирање на иновации кои во фокусот го ставаат корисникот и ја зголемуваат конкурентноста на производите и услугите на компаниите на регионалните и глобалните пазари.
Производите на кои што се работеше беа од три индустрии кои се очекува да имаат експоненцијален раст во следните три до пет години и тоа Персонализирана медицина и генетика, Вештачка интелигенција и Развој на софтвер и Идни модели во Образованието.
По завршувањето на презентациите, и студентите и компаниите изразија интерес да ја продолжат соработката и да ги доразвијат предлозите со цел нивно интегрирање во производите и услугите на компаниите. На сликите се презентациите на студентите пред компаниите Гордијан системи кои работат на продуктот Кери кој ќе се користи во домови за стари лица и компанијата ЕК Екселенс која работи на интегрирање на емоционалната интелигенција во работните процеси.
Рана Чакрабарти од SAP во Македонија дојде на покана на Њуменс Бизнис Акцелераторот во чии простории се организираше и работилницата, а со поддршка на Програмата за претприемништво на Владата на Швајцарија – SwissEP. SAP e спонзор и на натпреварот NASA Space Apps Challenge кој што Акцелераторот го организира во Македонија веќе 3 години по ред. SAP ова лето отвори и повеќе милионски фонд за инвестирање токму во решенија на млади претприемачи и стартап тимови од Европа и САД.
Оттука во следните два дена 8ми и 9ти декември експертот ќе се фокусира на работа со македонски стартапи и млади претприемачи на кои ќе им помогне да креираат кориснички мапи и сценарија за одлични искуства, чекор по чекор да го преиспитаат секој аспект на нивниот производ и да ги откријат проблематичните точки, како и да развијат атрактивна приказна за проблемот што го решава нивниот производ или услуга.
Можност за пријавување има се уште на линкот:
