Summer Work & Travel Alumni Macedonia во соработка со Младински Инфо Клуб – Скопје по втор пат го организираат CareerLaunch, настан кој ќе ги поврзе иновативните tech и стартап компании со младите, со цел да го унапредат својот тим со таленти кои ќе придонесат во реализација на нови идеи, иновативните проекти и нивен целосен развој.
Во петок и сабота на 5-ти и 6-ти мај со почеток во 14:00 часот во Универзитетска Библиотека „Св. Климент Охридски”, 23 tech и стартап компании ќе ги претстават своите можности за кариера.
Најмногу отворени работни позиции за програмери, маркетери и дизајнери
Најмногу можности на CareerLaunch ќе има за програмери. Отворени позиции за работа и пракса има за програмери по Node.js, C++, Dynamics AX, IOS, PHP, Java, RUBY, Javascript, ERP software, ASP.NET и .NET програмери, SharePoint, Scala, Salesforce, Python/Django, Liferay, Apache Cordova, frontend програмери, тест аналитичари, специјалисти за квалитет на софтвер, супервизори на Automated QA Scripts, full stack програмери, и продукт менаџер.
За маркетинг и дизајн како барани позиции се: маркетинг менаџери, интернет маркетери, sales, copywriter, бизнис девелопери, бизнис аналитичари, инструктор за 3Д дизајн и UI/UX дизајнери. За сите ентузијасти за работење во коворкинг простор постои позиција за практикант за градење заедница и социјални настани.
Кои се 23-те компании кои може да ги најдеш на CareerLaunch.
Seavus Education & Development Center (SEDC) е едукативен и тренинг центар во Македонија и регионот специјализиран за IT и бизнис обуки.
System for enterprise e иновациски центар за креирање софтверски решенија од областа на осигурувањето.
Фонд за иновации и технолошки развој е централна институција за поддршка на развојот на иновации и технологии.
HASELT (акроним од: Hyper Advanced Solutions Engineering with Leading Technologies) е компанија за развој на софтвер, инженеринг и консалтинг.
GSIX е компанија фокусирана на развој на иновативни софтверски решенија. Она што GSIX ја издвојува на пазарот е различноста на тимот и спојот на претприемачкото и инженерското при решавање на проблемите.
DoxTeam е ИТ стартап за “State of the art” решенија во облак, со најсовремена микросерверска архитектура.
ИБОРН.НЕТ е ИТ компанија со значајно искуство од неколку области, меѓу кои: здравство, осигурување, едукација, недвижности, е-комерција, маркетинг и анализа на пазари. ИБОРН.нет располага со повеќе тимови кои работат во полето на разни современи технологии.
МКхост е #1 хостинг провајдер и регистрар на домени во Република Македонија.
M3DS Скопје, е сертифициран Autodesk академски тренинг центар во областа на 3D и game design.
Sourcico e интернационална софтверска компанија со седиште во Израел и локален центар во Македонија кои се карактеризира со техничко лидерство, регрутирање, софтверски инженери и квалитет.
BizzBee Solutions е компанија која нуди различни бизнис услуги за стартапи и средни претпријатија.
Valoso Hub е софтверска компанија каде се градат тимови за софтверски развој на стартап компании.
OpenSpace е нов коворкинг простор во Скопје и е перфектна дестинација за млади претприемачи и професионалци.
Vox Teneo е глобална компанија за развој на софтвер. Тие се стремат да испорачаат високо квалитетни софтверски решенија и да ја одржат културата на мала фирма низ канцелариите.
CEED Hub Skopje е акцелератор и коворкинг простор во кој претприемачи, стартапи и фриленсери може да ги развијат своите бизниси до следното ниво.
InPlayer е британска компанија која работи на следната генерација од својата платформа за монетизација на видео и дигитални содржини.
Prim3D е студио за дизајн кое се специјализира за решенија базирани на виртуелна реалност и нивна примена во бизнисот.
Axapta Masters е специјализирана компанија за развој и поддршка на Microsoft Dynamics AX системи.
Corner Case е tech компанија која работи на градење на custom веб и мобилни решенија.
When in X е стартап за алтернативни туристички услуги.
Rubix Cube Solutions e компанија која работи на најсовремени custom софтверски решенија и бизнис технологија.
Настанот е бесплатен. Пријавувањето е задолжително
Пријавувањето е на следниот линк.
CareerLaunch е поддржан од амбасадата на САД. Спонзори на настанот се Netcetera, HASELT и Seavus Education & Development Center.
Се гледаме во петок и сабота на CareerLaunch.
