Samsung го одржува Unpacked настанот на којшто ќе ги претстави Galaxy S10 телефоните на 20 февруари во Сан Франциско. Според досегашните информации, на овој настан покрај телефоните, ќе биде претставен и нов паметен часовник наменет за фитнес.
Покрај часовникот на настанот наводно ќе бидат претставени и нови безжични слушалки кои треба да го носат името Galaxy Buds. Со ова се продолжува унифицирањето на проиводите под брендот на Galaxy.
Безжичните слушалки треба да дојдат исто така со безжично полнење, а оваа информација открива и уште една функција која треба да ја има кај S10-ките.
Слушалките би требало да можат да се полнат од самите S10-ки, што значи дека уредите ќе дојдат со можност за полнење на други уреди, иако според големината на батериите, тоа ќе биде препорачливо да се прави само за нешто како најавените слушалки на пример.