Веќе одреден период можеме да прочитаме дека наредните телефони со брендот на Google ќе го носат нивниот Pixel бренд, наместо досегашниот и познат Nexus. Информациите, исто така говореа дека новите уреди Google ќе ги претстави идниот месец.
Од компанијата официјално го потврдија настанот со испраќање на покани до медиумите, како и преку нивниот Twitter профил. Истиот ќе се одржи на 4-ти октомври во 18:00 часот според македонско време.
Од тоа што може да се види од видеото објавено на Twitter, дефинитивно ќе бидат претставени телефони. Видеото започнува со Google Search поле кое се претвора во форма на телефон.
October is coming. #madebygoogle https://t.co/UNMr2cJXhk pic.twitter.com/LzyswaEBjh
— Google (@google) September 20, 2016
Се разбира, повеќе информации во поканата и видеото нема, па останува до настанот да почекаме и да се „занимаваме“ со неофицијалните информации.
Инаку, од досегашните неофицијални информации може да очекуваме уреди од високата класа кои овој пат ќе имаат и повисока цена од таа што беше карактеристична за Nexus уредите.
Оваа недела повторно излегоа нови слики за кои се тврди дека се од новите Pixel уреди, па можете да ги видите во продолжение.
Извор: Android Central, VB
