Се работи за поранешна корисничка на iPhone од San Jose, California, која што станала корисник на Samsung телефон кој што работи на Android оперативниот систем. Во поднесената жалба од страна на оваа корисничка се тврди дека испратените SMS пораки од страна на корисници на Apple, не стигаат до нејзиниот телефон.
Проблемот се јавува поради грешка во iMessage апликацијата достапна на Apple уредите. Поточно, оваа апликација покрај можноста за комуникација преку SMS пораки овозможува комуникација на корисниците преку интернет мрежата, односно слично на Viber и WhatsApp. Апликациите од овој тип, го поврзуваат телефонскиот број со сервисот, па проблемот кој што настанал поаѓа од таму. Корисничката не ги добива SMS пораките кои што доаѓаат од корисници на Apple, односно испратени од iMessage апликацијата, која што пораката ја испраќа на број кој што смета дека се’ уште работи на iPhone. Овие пораки се целосно изгубени и според информациите, од Apple немаат решение за проблемот.
Некои од начините за решавање на проблемот се исклучување на iMessage сервисот пред да се приклучи телефонскиот број на друг уред, како и бришење на вашиот број од страна на iMessage корисниците, па повторно додавање.
Дали на некој од вас му се има случено да има ваков проблем ?
