Како и секоја недела, така и изминатата не беше ислучок, па можевме да прочитаме повеќе интересни новости на Смартпортал. Raspberry претстави уште поевтин мини компјутер кој што ќе стане достапен на уште поголема публика со својата цена од само 5 долари, а е наречен Pi Zero.
Како што можевме да прочитаме неколку пати досега, Nokia планира да претстави нов телефон од идната година кога и ќе го добие правото според договорот со Microsoft. Овој телефон со оглед на досега излезените информации ќе биде наречен C1, а оваа недела излегоа и првите слики и рендери. Сликите, доколку се покажат како точни, доведоа до нов момент кој што не беше очекуван, а тоа е можноста C1, покрај на Android, да работи и на Windows 10 Mobile платформата.
Една од најинтересните новости беше таа за првото успешно вертикално слетување со ракета која што потоа ќе може повторно да биде употребувана. Она што ја направи оваа вест уште поинтересна е компанијата која што го направи ова прво успешно слетување, а тоа е Blue Origin на Џеф Безос од Amazon, наместо SpaceX на Елон Маск кои што делуваа дека имаат најголеми шанси.
Можеби малку доцнат зад конкуренцијата, но кога се работи за добри функции, корисниците нема да се жалат. Viber во своите мобилни апликации ја воведе можноста за бришење на испратените пораки и од уредот на примачот, па тие кои што често знаат да згрешат, сега ќе може да бидат помирни кога испраќаат пораки.
Исто така, интересна беше новоста која што покажа дека новата Li-Fi технологија добро се покажува во тестовите, па можеме да очекуваме добар додаток за нашите локални мрежи, но и во компаниските.
Останатите новости кои што ја одбележаа последната недела во ноември се следните:
- Членовите на Windows Insider програмата, отсега ќе може да помогнат и со дизајн на нов уред
- Претставен Huawei Mate 8 – Огромен 6 инчен смартфон од високата класа
- Google досега има тргнато повеќе од 440.000 линкови врз основа на европското право да бидете заборавени
- Ноемвриската надградба на Windows 10 повторно достапна преку Media Creation Tool
- Samsung Galaxy S7 ќе има слот за micro SD картичка
- Google скришно создале StarTrek Communicator
- Xiaomi ги претстави Redmi Note 3 и Mi Pad 2 таблетот со Windows/Android
- Расте продажбата на Windows таблети на сметка на iPad
- Raptor очилата ќе донесат авионски визир за велосипедистите
- Неколку промени од Facebook изминатиот период
- Mozilla Firefox останува без Tab Groups и целосни теми
- Нов софтвер за екраните на допир, ќе препознава под кој агол ви е поставен прстот
- Microsoft Surface Phone „забележан“ во бенчмарк мерења!?
