Snapdragon 820 уште не е излезен, а веќе се вртат доста шпекулации за тоа кој ќе биде првиот мобилен телефон кој што ќе работи на него. Одреден период се збореше дека таа чест ќе ја има ненајавениот Xiaomi Mi 5, но сега излезе информацијата дека Qualcomm сепак можеби имаат направено договор со Samsung за новиот S7.
S7-та ќе има време од неколку месеци, поточно до април, до кога ќе може да биде единствениот телефон кој што работи на овој процесор. Дали ова е паметна одлука од Qualcomm и дали е точна, ќе дознаеме веќе идниот месец.
Изминатата недела Microsoft ја пушти последната Windows 10 Insider Preview верзија за оваа година. Таа воедно е и првата по пуштањето на ноемвриската надградба, а од јануари се најавува почесто пуштање на ваквите тест верзии за корисниците на брзиот круг на надградби.
Верзијата е 11082 и може да се симне и инсталира преку Windows Update. Оваа верзија е исто така првата од серијата на надградба кои што ќе следат до финалната Redstone која што треба да стане достапна од идното лето.
Како дел од новиот вид на статии од категоријата на Совети, минатата недела можевте да прочитате како да ја вклучите се’ уште „скриената“ темна тема на Windows 10. Процедурата е едноставна, а може да се направи со симнување на достапните фајлови или со едноставно менување на регистарот.
Mozilla ја пушти 43-та верзија од Firefox минатата недела и покрај стандардните подобрувања на перформансите и уште неколку функции, оваа верзија се истакнува со тоа што е првата која што доаѓа со 64-битна верзија за Windows.
Покрај ова, новата верзија започнува со построгата контрола на додатоците, па тие што не се потпишани од страна на Mozilla, нема да може да бидат активирани.
Познатиот научно фантастичен филм „Ден на независноста“ каде што човештвото се одбранува од инвазија на вонземјани, идната година ќе го добие својот втор дел, продолжение на првиот. Минатата недела беше претставен првиот трејлер, па можете да го погледнете и да добиете претстава што може да очекувате од филмот.
Останатите новости од минатата недела кои што не треба да пропуштите да ги прочитате се следните:
- Националниот институт за рак на САД: Канабиноидите можеби можат да убијат клетки на рак
- Бесплатно испробај ја апликацијата Pickbox на LG Smart TV
- VisionTek има нови SSD USB стикчиња, со голем капацитет и високи брзини
- Asus го претстави ZenFone Zoom, најтенкиот смартфон со оптички зум на камерата
- Се очекува надградбата на Android 6.0 за интернационалната верзија на LG G3
- Научниците измислија чорапи кои создаваат електрична енергија од вашата урина
- Нов пренослив уред ќе препознава отровна или нездрава храна и ќе ги прикажува резултатите на iPhone
- Xiaomi Redmi Note Prime е евтин телефон со голем 5,5 инчен дисплеј
- Германија успешно го стартуваше својот најнов фузиски реактор
- Microsoft ќе дозволи задржување на бесплатниот простор од 15 GB на OneDrive
- Како твојот компјутер да го претвориш во хотспот за Интернет
- Samsung Galaxy S7 ќе има четири различни варијанти?
- Oukitel K10000 е смартфон со гигантска батерија од 10.000 mAh
- ZTE спрема телевизор во кој ќе може да го ставите вашиот смартфон
