Првпат најавена пред две години, новата EA апликација за PC излегува од бета тестирање и официјално им станува достапна на корисниците како замена за Origin апликацијата. Од компанијата истакнуваат дека корисниците на Origin ќе можат лесно да ја направат миграцијата на новата апликација, задржувајќи ги сите игри и содржина во новата апликација.
EA апликацијата на корисниците ќе им ги овозможи во основа истите функции како Origin апликацијата, само со освежен изглед и подобрено корисничко искуство. Корисниците ќе можат да пронаоѓаат игри, автоматски да ги симнуваат и ажурираат во позадина, а исто така ќе можат да креираат и листи со пријатели поврзувајќи ја својата EA сметка со Steam, Xbox и PlayStation.
Новата апликација во овој период не е достапна и за корисниците на Mac, па тие остануваат на Origin. Сепак, кога ќе се земе во предвид дека повеќето игри се играат на PC, ова и не е некој посебен проблем, а од EA ќе ја пуштат својата нова апликација на Mac во иднина.
