Вредноста на богатството на Марк Закерберг, кое во главно се состои во акции од Meta, се намали за 31 милијарди долари, поточно од 120,6 милијарди на 92 милијарди долари, според податоците за богатството од Bloomberg. Ова е едно од најголемите промени во богатството поради промена на вредноста на акциите.
Главната причина за падот на вредноста на акциите на Meta, а со тоа и богатството на Закерберг е објавата на финансиските резултати на компанија оваа недела. Резултатите, иако уште се бројат во повеќе милијарди долари, не ги постигнаа очекувањата на аналитичарите, а најавите се дека оваа година ќе има дополнителен пад на приходите од реклами поради мерките за приватност од страна на Apple.
За првпат исто така дојде и до немање на раст на бројот на активни корисници на Facebook мрежата, иако може да се каже дека тоа беше нешто што со години се очекуваше со оглед на поголемата популарност на Instagram и мрежите како TikTok кај помладите корисници.
На ова треба да се додадат и проблемите со угледот кои ги има Facebook, односно Meta, поврзани со начинот на справување со проблематичната содржина, истрагите од страна на Сенатот и слично.
