Изминатата недела може да се каже дека беше недела во која што можевме да прочитаме за неколку компаниски новости, односно на промени кои што не се однесуваат директно за одреден производ.
Па така, Nokia официјално заврши со продажбата на HERE делот од компанијата кој што беше задолжен за развојот на популарниот сервис за мапи. HERE продолжува со работа под капата на групацијата од компании производители на автомобили составена од AUDI AG, BMW Group и Daimler AG.
Новата компанија, која што вклучува дури 6.500 вработени, ќе продолжи активно да работи на развојот на мапите, со посебен акцент за самоуправувачките автомобили, а ќе додаде и нови извори за зголемување на точноста на мапите.
По основањето на Alphabet, Google најави дека сите бизниси кои што не се поврзани со основниот на компанијата, ќе почнат да функционираат како посебни компании во новоформираниот холдинг.
Веќе гледаме како некои од деловите од Google прераснуваат во посебни компании, а со тоа добиваат и нови имиња. Така, Google Life Science, делот од компанијата кој што работи на развој на медицински уреди, сега како посебна компанија ќе се вика Verily Life Science. Инаку овој дел од компанијата стана најмногу познат по леќите наменети за дијабетичарите кои што го следат нивото на гликоза во крвта.
После долго разгледување на можните стратегии, односно и една недела откако излезе информацијата во јавноста, одборот на Yahoo донесе одлука како понатаму со компанијата која што сепак не успева да ги постигне своите цели.
Поради можноста да треба да се плати голема сума во даноци, компанијата наместо да го издвои делот од компанијата со акциите во Alibaba, ќе издвои се во посебна компанија освен тој дел. Тоа значи дека главниот бизнис на Yahoo, тој по кој што е позната компанијата на повеќето корисници, ќе биде издвоен во посебна компанија, а шансите се дека тој дел ќе биде и продаден.
Останатите новости од изминатата недела се исто така интересни и вреди да се прочитаат, па дури и вторпат. Тие кои што ги издвоивме како најважни се следните:
- Шприц со мали сунѓерчиња одобрен за користење за итно затворање на рани
- Мистеријата откриена: Познати личности од Македонија учествуваат во најиновативната кампања на интернет досега
- Започнува официјалниот крај на Flash, Adobe Flash Professional прераснува во Adobe Animate
- Speedtest.net конечно го прифаќа HTML5 стандардот
- Дали знаете како да инсталирате драјвери на вашиот компјутер ?
- Како да направите GIF анимација од било кое YouTube видео?
- Google патент за вадење крв без игла
- SonicTouch е нов читач за отпечатоци на прсти кој ќе може да се смести и во екраните
- TouchWiz на Android 6.0 со дополнителни поедноставувања на корисничкиот интерфејс
- Google има доказ дека нивниот квантен компјутер работи – 100 милиони пати е побрз од денешните
- Cortana официјално достапна на Android и iOS
- Samsung Galaxy S7 можно е да има водено ладење
- Apple Maps се користат 3 пати повеќе од Google Maps на iOS?
- Ashampoo Uninstaller 5 достапен за корисниците бесплатно
- SyncPhone е смартфон со десктоп Windows 10 оперативен систем
