Големите „ѕверки“ кои се основачи на мултимилијардерски компании како Google и Apple работат многу напорно за да ги заработат тие милијарди, и кога ќе се вратат дома сакаат да се истушираат на раат. Па зошто тогаш да не вложат во компанија која ветува дека ќе го направи туширањето подобро и поефикасно?
Токму така размислуваат и Тим Кук (главниот директор на Apple) и Ерик Шмит (еден од основачите на Google и главен член на одборот на директори на Alphabet). Тие вложија (непознат) дел од своите приватни средства во американската млада компанија Nebia која има концепт за подобри глави за тушеви.
Имено, се работи за туш-глава која ја претвора водата во микрокапки, место да ја пушта во големи капки како повеќето сегашни што прават. Микрокапките, кои се меѓу обични капки и водена прашина, многу подобро се распоредуваат на кожата и ја наквасуваат и мијат него обичните капки. Тоа значи дека самото чувство е подобро преку микрокапки, а воедно може да се скрати на потрошувачка на вода, и тоа до дури 70%!
Nebia во исто време има започнато и Kickstarter кампања, каде го надмина минимумот потребен за да започне со производство на овие туш-глави. Со уплаќање на 299 долари можете да си нарачате и ваш Nebia туш, и вие да бидете еден од вложувачите заедно со Тим Кук и Ерик Шмит. Цената е навистина „солена“, но предпоставуваме дека нема да помине долго време пред некој конкурент на Nebia да развие сличен туш со пониска цена.
Извор: Mashable, Business Insider
