Претставувањето на Galaxy S23 серијата е можеби едно од најголемите очекувања кај корисниците кога се во прашање мобилните телефони. Како и секоја година, Samsung својата Galaxy S серијата ја претставува во февруари, а оваа година тоа беше на 9ти.
Според неофицијалните информации, идната година Unpacked настанот може да се очекува и нешто порано, односно веќе во првата недела од месецот. Настанот треба да се одржи во Сан Франциско и да биде со физичко присуство, со оглед на тоа што може слободно да се каже дека корона кризата е завршена.
Очекувањата на корисниците за Galaxy S23 се големи, меѓу другото и поради најавите дека од компанијата веќе нема да го користат својот Exynos чип во европските модели, па и ние во Македонија идната година ќе можеме да купиме Samsung телефон од највисоката класа со новиот Snapdragon 8 Gen 2.
Оваа промена треба да донесе доста големи подобрувања во перформансите на телефоните, а корисниците тоа сигурно ќе можат да го забележат и од обичното користење.
Друго што се очекува како новина кај Galaxy S23 серијата е подобрување на камерите, како и секоја година, а Galaxy S23 Ultra треба да дојде и со посебен сензор со 200 мегапиксели.
Сензорот за отпечатоци на прстите, кој веќе неколку години е сместен под екранот, идната година може да се очекува дека ќе биде уште поголем, побрз и повеќе прецизен. Ова е нешто што корисниците исто така треба да го забележат, иако и годинешната верзија е доволно унапредена за разлика од претходните.