Преку мал „тизер“ на кинеската мрежа Weibo, Motorola најави дека некаде во јули ќе го претстави првиот смартфон во светот кој ќе дојде со камера која има 200 мегапиксели.
Дека вакво нешто може да се очекува стана јасно минатата година кога Samsung го претставија нивниот ISOCELL HP1 сензорот со 200 мегапиксели кој доаѓа со „ChameleonCell“ технологија која овозможува групирање на 16 пиксели и добивање на една слика до 12,5 мегапиксели.
Името на телефонот кој ќе дојде со овој сензор уште не е објавено, но според неофицијалните извори, тој ќе биде во високата класа. Се најавува дека ќе дојде со Snapdragon 8+ Gen 1, кој е најнов чип од Qualcomm, како и со екран со стапка на освежување од 144 херци.
Според неофицијалните извори, во истиот период се најавува и претставување на третата генерација од Razr телефонот кој доаѓа со екран кој се преклопува како стариот телефон од оваа серија.
