На неколку дена пред официјалното претставување на LG G3 и низа од неофицијални информации, слики и видеа, од LG решија да го направат чекањето поинтересно прикажувајќи три видеа кои што се концентрираат на три негови карактеристики, односно камера, дизајн и екран. Видеата се направени во стил на teaser, односно тие не ги покажуваат карактеристиките детално, туку само потсетуваат дека на претставувањето овие карактеристики ќе бидат едни од главните на новиот модел.
Пред некој ден видовме слики на кои што се гледаат поголемиот дел од карактеристиките на телефонот, како на пример екранот кој што е потврден од овие официјални видеа. Исто така LG ја претставија QuickCircle футролата која што ќе биде дел од претставувањето на телефонот.
Инаку за потсетување LG G3 ќе биде официјално претставен идната недела во вторник на 27 Мај, а до тогаш погледнете ги видеата во продолжение.
Камера
Дизајн
Екран
