На само онлајн настан, LG вчера го претстави WING, првиот уред од „Explorer Project“. Се работи за иницијатива во компанијата за развој на нови уреди кои ќе направат разлика на пазарот, а LG WING дефинитивно може да се стави во таа категорија.

На самиот крај од презентацијата може да се види уред кој според текстот исто така е дел од Explorer Project. За разлика од WING, овој уред има екран кој се гледа како се „лизга“ од дел од уредот, со што се добива поголем екран. Тоа значи дека екранот се намотува, а дека LG веќе ја има развиено оваа технологија можевме да видиме од нивниот LG SIGNATURE OLED TV R, телевизор кој се собира, намотувајќи се на својата основа.

Ваков смартфон сигурно ќе го нема проблемот на свитливите екрани кои сепак на местото на превиткување имаат линија, односно фалта. Исто така, еден ваков уред сигурно би бил потенок, односно би имал дебелина како стандарден смартфон.

Кога од LG планираат да го претстават овој уред, не е познато, но се надеваме дека тоа ќе биде што поскоро.

За сличен уред веќе можевме да прочитаме од конкурентот TCL, меѓутоа ништо од тоа сега за сега не е официјално, а уште помалку претставено во некој комерцијален уред.

Оставете коментар

This site uses Akismet to reduce spam. Learn how your comment data is processed.