Samsung најавува „враќање“ на Exynos на 12-ти јануари

На оваа дата се очекува претставувањето на Exynos 2100 кој треба да донесе доста големо подобрување на перформансите, а неофицијалните информации веќе го ставаат како подобар од Snapdragon 888

Не е тајна дека Exynos чипот од Samsung оваа година не се покажа како подобар од тој на Qualcomm, како што на тоа беа навикнати веќе повеќе години корисниците. Exynos 990, иако не може да се каже дека е лош чип, сепак во многу тестирања се покажа повеќе сличен со перформансите со ланскиот Snapdragon 855, отколку годинешниот 865.

Тоа значи дека корисниците во Европа кои ја добиваат варијантата од Galaxy S уредите со Exynos чипот, добија нешто послаби перформанси од истите уреди во САД, на пример, иако тоа не може да се забележи од самото користење, без да се има другиот уред за споредба.

Како и е да, Samsung најавува враќање на Exynos, а тоа можеме да го сфатиме само на еден начин, а тоа е дека овој чип од компанијата повторно ќе им го нуди на корисниците најдоброто на пазарот.

„Враќањето“ на Exynos е закажано за 12-ти јануари, кога се очекува дека ќе биде претставен Exynos 2100. Овој чип треба да биде направен со 5nm технологија, а исто така едно од јадрата треба да биде одличното Cortex-X1 од ARM.

Претставувањето на Galaxy S21 серијата се очекува за два дена подоцна, односно за 14-ти јануари, а најавата на датата за претставувањето на нов Exynos, може да се смета и за еден вид на потврда на засега уште неофицијалните информации за одржување на Unpacked настанот, идната година порано од обично.

Неколку тестирања веќе излегуваат неофицијално во кои се покажува дека Exynos 2100 работи подобро од Snapdragon 888, новиот процесор од Qualcomm кој ќе го гледаме во најдобрите уреди идната година.

Дефинитивно уште од сега може да се види дека Samsung може да очекува голем успех со наредната Galaxy S серија.

Од Samsung пуштија е реклама преку која им се заблагодаруваат на корисниците на Exynos.

ИЗВОРNotebook Check
Претходна статијаСистемите на Microsoft биле погодени од хакирањето на софтверот од SolarWinds
Следна статијаАЕТМ: Околу 8% од вкупните онлајн трансакции се од интернет игрите на среќа
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.

Оставете коментар

This site uses Akismet to reduce spam. Learn how your comment data is processed.