По продажбата на Winamp од страна на AOL во 2014, во 2018 беше најавено дека може да се очекува целосно нова и редизајнирана верзија од овој легендарен плеер од деведесеттите. Белгиската компанија Radionomy сепак не претстави целосно нова верзија од Winamp, па сега е пуштена само надградба на апликацијата која последен пат беше ажурирана во 2018.
Новата верзија ја носи бројката Winamp 5.9 RC1, односно уште не се смета за целосно финална и завршена верзија и поради тоа има одредени багови и проблеми.
Што се однесува до новините во оваа верзија тие вклучуваат подобрена поддршка за Windows 11, поддршка за vp8, https://streams, поддршка за .itz, .mdz, .s3z и .xmz и уште по некоја исправка на багови.
Winamp го задржува стариот изглед и можноста за избор од различни теми, иако новата верзија ја трга поддршката за дел од нив. Исто така, не функционираат дел од познатите плагини и ефекти, но основната функционалност на апликацијата е тука.
Симнувањето на Winamp може да се направи стандардно од нивната страна на winamp.com.
