Промоциите кои апликациите достапни на Play Store ги имаат за своите корисници, сега ќе може да се видат на едно централно место. На овој начин корисниците ќе можат да откријат и нови апликации кои ќе ги привлечат со своите попусти и бесплатни понуди.
Новиот дел за промоциите, односно Offers, ќе биде додаден на долната лента, заедно со деловите за апликациите, игрите и филмовите, во нашата земја, а во одредени земји преку Play Store може да се купат и книги.
Во делот за промоции ќе може да се видат промоциите од игрите кои продаваат работи во самите игри, награди и бесплатни понуди, попусти на филмови и слично.
За почеток, овој нов дел им е пуштен на корисниците во САД, Индија и Индонезија, а од Google најавуваат подоцна оваа година ќе биде пуштен и во повеќе земји.