w10_laptop_nui_16x9_en-us_030615-copy

Безжичните звучници кои функционираат и како дигитални асистенти, Amazon Echo и Google Home, се во моментов единствените такви уреди на пазарот. Сепак, наскоро нив ќе им конкурира и Microsoft, но со малку подруг пристап од тој кој тие го имаат.

Имено, Microsoft не планира лансирање на посебен хардвер за да може да го користите дигиталниот асистент. Наместо тоа, тие ќе лансираат посебна функционалност во Windows 10, наречена Home Hub, која ќе ја има целосната моќ на Cortana, но ќе може и да ги управува сите паметни уреди во домот, како на пример да ја подеси температурата или интензитетот на светлината.

За разлика од Amazon Echo и Google Home, Home Hub ќе можат да го користат сите корисници кои имаат понов Windows 10 компјутер, односно некој со микрофон кој ќе може да биде константно вклучен. Асистентот на Microsoft инаку ќе работи со повеќе корисници, за разлика од неговите конкуренти, што го прави многу покорисен за целата фамилија. Така, тој ќе извлекува информации за секој корисник посебно, со препознавање на гласот на корисникот.

Home Hub ќе можете да го користите за да му задавате команди, да го прашувате прашања, да прати порака или email за вас, да ви го пополни и/или каже распоредот за тој ден, да ви пушти некоја песна/видео на YouTube итн… Сите овие можности веќе ги има Cortana, но со Home Hub тие подобро ќе бидат интегрирани со паметните уреди од домот.

Microsoft Home Hub веројатно ќе пристигне со Redstone 2 надградбата на Windows 10 наредната година, но сите функционалности ќе бидат имплементирани со Redstone 3 и 4 во текот на 2017.

Извор: Engadget, PC World, Mashable

Претходна статијаGalaxy Note 8 ќе пристигне во Август наредната година?
Следна статијаПилот проект покажува дека „Виртуелната Реалност“ го подобрува учењето кај учениците