750x422

Bluetooth звучниците со кои може да разговарате не се ништо ново – Amazon Echo е повеќе од една година на пазарот, а има и неколку други производители кои влегоа во оваа сфера. Сепак, Home звучникот на Google е веројатно најмоќниот нов натпреварувач во секторот, бидејќи едноставно ја користи моќта на најголемиот пребарувач во светот, но и поради новиот Assistant бот, кој може да направи многу повеќе од неговите конкуренти.

Google Home може да се поврзе преку Wi-Fi на вашата домашна мрежа, што значи дека ќе биде константно поврзан на интернет. Корисникот ќе треба само да му се обрати со “Ok Google” и тој ќе го активира новиот Google Assistant, кој може да направи многу повеќе од претходникот Google Now. Имено, покрај тоа што ќе може да ги одговори сите прашања кои ќе му ги поставите, овој бот со вештачка интелигенција може дури и да резервира ресторан за вас, а со него ќе можете да имате и цела конверзација, односно според компанијата, како со вистински човек.

Покрај тоа што ќе можете да разговарате со него, овој звучник нормално ќе може да продуцира и музика и тоа директно од облакот (поддржани се YouTube Music, Spotify, Pandora, Google Play Music, TuneIn, и iHeart Radio), а со него ќе може да ги управувате и сите останати паметни уреди во вашиот дом. На пример, ако имате паметен Nest термостат, на Home ќе може да му кажете да ја намали/зголеми температурата, односно ако имате паметни Philips Hue LED светла, ќе може да му кажете да го намали/зголеми нивниот интензитет или да ја смени бојата.

Звучникот може многу повеќе од сето ова. Всушност, тој може целосно да се однесува како паметен телефон, но наместо визуелно на дисплеј, на корисникот говорно ќе му презентира цели веб страници, односно статии итн, а по потреба, може да му кажете безжично да префрли она што слушате на него на вашиот паметен телевизор преку Chromecast. На пример некое ново YouTube видео…

Home ќе може да се контролира и преку горната површина на звучникот, која препознава допир и неколку различни гестикулации, кои може да се искористат за намалување/зголемување на гласноста и сл.

phpoqq40q

Цената на Google Home ќе биде 129 долари, што е 50 долари помалку од директниот конкурент Amazon Echo. Сепак, кај нас веројатно само Google Home ќе биде добар избор, бидејќи сервисите на Amazon не функционираат во нашата земја. Секако, имајте на ум дека со Google Home ќе мора да разговарате на англиски јазик – вештачка интелигенција на македонски е години и години далеку од нашите паметни уреди.

Извор: Chicago Tribune, Pocket-Lint, Google

Претходна статијаКои се говорници на CareerLaunch Talks – 7 говори кои ќе ве натераат да започнете нова кариера
Следна статијаПрви фотографии од Bluetooth тастатурата наменета за новиот „се во едно“ Surface компјутер