Со месеци веќе се пишува за поголема промена која треба да ја добие Windows 10. Поради тоа првата надградба на системот оваа година беше помала, нешто што овие неколку години обично е случајот во есенската надградба. Тоа до некаде ги потврди информациите дека Windows добива доста новини, а истите може да ги очекуваме во втората половина од годината.

Дека навистина нешто се спрема беше потврдено и од страна на Панос Панај, како и од директорот на Microsoft Сатја Надела, а и двајцата ја употребија реченицата „наредната генерација од Windows“. Сатја Надела за време на Build 2021 настанот истакна дека повеќе информации околу ова ќе бидат објавени наскоро, па како што се шпекулираше, Microsoft ќе одржи посебен настан само за Windows.

Тој настан сега е официјално закажан и ќе се одржи на 24ти јуни, поточно во четврток за три недели со почеток од 17:00 часот по македонско време.

Како што е стандардно уште, настанот ќе биде само онлајн, а ќе може да се следи во живо од страна на сите заинтересирани.

Неофицијалните информации досега говорат дека треба да се очекува дека во надградбата ќе биде ставен посебен акцент на корисничкиот интерфејс. Тоа значи дека ќе видиме доста промени во изгледот на Windows, а се истакнуваат промени кај Старт менито, таскбарот, менијата, апликациите и повеќе.

Уште една работа привлекува повеќе внимание, а тоа е користењето само на терминот Windows од страна на Панос Панај и Сатја Надела. Тоа ги подгрева шпекулациите дека надградбата ќе биде доволно голема да од Microsoft ќе се одлучат и за промена на името на системот.

Според некои информации, името на Windows ќе премине на наредната бројка, односно ќе биде наречен Windows 11. Дали тоа навистина ќе биде така ќе дознаеме за три недели.

На настанот се очекува да презентираат Сатја Надела, како и познатиот Панос Панај под кого се и развојот на Windows, како и Surface уредите. Надежите дека Windows ќе добие одамна потребни промени се зголемија по ставањето на Windows под водството на Панос Панај, кој е одговорен за развојот на успешните и добро прифатени Surface уреди.

ИЗВОРWindows Central
ИЗВОР 2The Verge
Претходна статијаHarmonyOS доаѓа и кај смартфоните од Huawei
Следна статијаHuawei прикажа дел од новиот P50 и веднаш се гледа дека ќе го привлече вниманието на корисниците
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.
0 0 votes
Article Rating
Subscribe
Notify of
guest

This site uses Akismet to reduce spam. Learn how your comment data is processed.

0 Comments
Inline Feedbacks
View all comments