Неофицијално најавувана како Windows 8.1 Update 2, надградбата достапна од денес за сите корисници, Microsoft реши едноставно да ја нарече „Августовска надградба“. Тоа е така поради менувањето на начинот на издавање на надградби за оперативниот систем, кој што досега вклучуваше поретки надградби кои што често вклучуваа и доста нови функции, како што тоа беше случајот со Windows 8.1 или со Windows 8.1 Update надградбите. Овие надградби, кои што имаа 6 месеци меѓу нив, вклучуваа огромен број на новости. Од сега, па натаму, Microsoft ќе издава месечни надградби кои што ќе вклучуваат и нови функции, но наместо во една поголема, тие ќе бидат издавани како што ќе бидат спремни за корисниците. Со тоа веќе нема да има важни надградби со маркетингшки имиња, туку тие ќе бидат дел од веќе стандардниот вторник како ден за сигурносни надградби.
Августовската надградба не вклучува многу нови работи, а исто така и не е толку важна надградба кога се работи за воведување на нови функции. Сепак таа вклучува одредени сигурносни исправки, како и подобрувања на перформансите, како и:
- Подобрувања на touchpad-от – додадени се три нови кориснички прилагодувања: оставање на touchpad-от вклучен додека е вклучен и маус, овозможување на десни кликови на него, како и двојно притискање и влечење
- Примање на Мiracast конекција – нови Wi-Fi API алатки за Independent Hardware Vendor драјвери, како и OEM драјвери за развивање на 32-битни Windows апликации кои што можат да работат на сите поддржани 32 и 64 битни верзии од Windows, со што се овозможува компјутерот да работи како Miracast приемник
- Намалување на барањата за најава за SharPoint Online
Надградбата ќе биде достапна преку Windows Update функцијата на оперативниот систем, а доколку не ви се чека достапна е и за мануелно симнување и инсталирање преку следните линкови за 32-битен Windows и 64-битен.
