Apple поднесе барања за исклучување на YouTube канал на кого се достапни видеа од WWDC конференциите од компанијата во изминатите 20 години. Каналот веќе не е достапен, а која е целта на Apple со ова не е баш јасно.
Ваквите канали обично се популарни кај фановите на Apple, а се одлични за гледање на претставувањата на постарите производи. Можеби на Apple не им одговара што повеќето од презентациите во тоа време ги има правено Стив Џобс, но којзнае.
Сопственикот на каналот, Брендан Шенкс, информацијата ја објави преку Twitter и истакна дека тој ги чува сите видеа и планира да ги објави на Internet Archive.