За време на Intel Innovation настанот кој се одржа вчера, Intel и Samsung прикажаа интересен концепт на технологија која вклучува екран кој се намотува и со тоа овозможува промена на големината и можноста за користење.
Како што би се очекувало, се работи за OLED екран на кого од Samsung имаат работено изминатите години. Екранот може да ја менува својата големина од 13 до 17 инчи со намотување и одмотување на истиот.
Корисниците со една ваква технологија би добиле лесно пренослив таблет уред кој по потреба може да се претвори во поголем екран и користење на маса.
За жал, оваа технологија, која и не е така нова, беше презентирана само како концепт, па не беше најавено претставување на некој производ, а според информациите за тоа ќе се почека уште некоја година најмалку.