Тест на функција која за првпат беше забележана пред неколку месеци, сега изгледа се проширува на повеќе корисници и добива поголемо внимание. Се работи за можност за објава на кратки белешки во Instagram, поточно во делот за пораки, кои можат да ги видат пријателите.
Наједноставен начин да се опише оваа нова функција е преку споредба со Instagram Stories, само за кратки текстуални објави, без можност за слики и видеа.
Корисниците можат да ги објават своите белешки преку делот за пораки, а копчето за објава, како и белешките од пријателите, се поставени под лентата за пребарување на пораките.
Известување како за пораките при објава на белешките не се добива, што значи дека нив ќе ги видат само корисниците кои почесто ги отвораат пораките во Instagram.
По објавата на белешките, тие имаат рок од 24 часа, исто како Stories, по што ќе бидат тргнати. Другите корисници можат да одговорат на овие белешки, по што тој разговор ќе биде префрлен во директните пораки.
Не е познато дали и кога оваа нова функција би им била пуштена на сите корисници, а од Instagram само го имаат потврдено тестот пред неколку месеци, но не и сега кога изгледа достапноста се проширува.
Слики од оваа нова функција се достапни на XDA-Developers страната.
