Уште веднаш да посочиме, сепак се работи за играчка – таблетот не функционира навистина како таблет. Сепак, кул играчка за децата, а богами и за повозрасните вљубеници во Transformers серијалот.
Дизајнот на новиот играчка таблет е на Хуго Бара, познатиот дизајнер кој претходно работеше во Google и кој неодамна премина во Xiaomi. Нормално, бидејќи се работи за играчка, за изработката ќе се погрижи Hasbro, еден од најголемите производители на играчки во светот.
Нормално, кога е склопен како таблет, однапред уредот изгледа прилично искршено – сите овие делови мора да се одделат за да може да се претворат во Transformer. Одзади пак се сите делови од роботот и тука може најдобро да се забележи дека не се работи за вистински таблет, иако има некои елементи, како камерата и отворите за звучниците, кои потсетуваат на MiPad таблетите на Xiaomi. Роботот е инаку Decepticon, односно оние лошите момци од Transformers серијалот.
За расклопувањето на таблетот, односно претворањето во Decepticon Transformer се потребни 30 чекори, што е веројатно очекувано, бидејќи играчката е тенка и прилично густо склопена кога изгледа како таблет.
Засега играчката може да се купи преку “Crowdfunding” онлајн кампања за 26 долари, но ако има доволно интерес, Xiaomi и Hasbro секако дека ќе се одлучат и на сериско производство.
Извор: TechnoBuffalo, Geek, Gizmodo
