Samsung веќе потврди дека работи на уред со екран кој се превиткува, за разлика од Galaxy Fold, овој на хоризонталната линија. Овој уред би бил во познатата „флип“ категорија и за разлика од Galaxy Fold, ќе има еден екран и треба да чини помалку.
Дека уредот не е само во фаза на планирање можевме да видиме од достапните неофицијални информации и слики, а тука се и најавите дека овој уред ќе биде претставен заедно со Galaxy S11, чиј настан е закажан за 11 февруари.
Досега сите овој уред го нарекуваа Galaxy Fold 2, но некако на ни се чини како можно и логично име. Сепак, не значи дека ако уредот има екран кој се превиткува, дека Samsung ќе продолжи да го користи истото име, иако уредот е со целосно различен концепт.
Името Galaxy Bloom се споменуваше како име кое се користи внатре во компанијата, па сега има информации дека тоа ќе биде и официјалното име на овој уред.
Ова било презентирано од страна на Samsung на ограничена група на луѓе во рамките на CES 2020, а истото беше случајот и минатата година со Galaxy Fold.
Сепак, како и да биде името на овој уред, веруваме дека ќе се продаде во многу поголема количина од Galaxy Fold кој сепак имаше малку потежок старт, а е и првата генерација од нова технологија.