Некаде во април прочитавме дека Windows 11 ќе добие поддршка за „виџети“ од трети страни, односно од програмерите на другите достапни апликации, не само моментално достапните кои се од Microsoft.
Тогаш се работеше за неофицијална најава, па секако чекавме да видиме што ќе кажат од Microsoft на темата. Од компанијата официјално го најавија доаѓањето на оваа функција на Windows 11, а временската рамка ја поставија за до крајот на годината.
Повеќе информации околу овие виџети тие не дадоа, па познато е само дека тие ќе може да се направат за сите win32 и PWA апликации, што е одлично. Програмерите за правењето на виџетите ќе можат да ја користат платформата од компанијата неречена Adaptive Cards.
Иако сега не можеме да знаеме колку ќе бидат прифатени виџетите од програмерите, може да се очекуваат доста корисници виџети кои ќе прикажуваат важни информации во делот за виџети во Windows 11.
Покрај сегашните виџети за временска прогноза, календар и слично од Microsoft, одлично би дошле виџети од Facebook, Twitter, Viber и слично.