Мисијата на Марс, може да се каже дека е крајната цел на се што развива SpaceX, компанијата на Елон Маск. Кога оваа мисија ќе се случи, ќе биде најголемото достигнување на човештвото во вселенските истражувања од првото стапнување на Месечината.
Ракетата која што беше во развој за оваа мисија, а и за мисија до Месечината, носење на голем и тежок товар во орбитата на Земјата, беше наречена BFR или Big Falcon Rocket.
Оваа ракета, односно помала тест верзија е официјално завршена, но сега оваа ракета има ново име, кое можеби е повеќе прикладно со оглед на планираните мисии.
Starship или вселенски брод е новото име, а Елон Маск на Twitter ја прикажа првата слика од целосно завршената верзија од оваа ракета.
Starship test flight rocket just finished assembly at the @SpaceX Texas launch site. This is an actual picture, not a rendering. pic.twitter.com/k1HkueoXaz
— Elon Musk (@elonmusk) January 11, 2019
Планот е да оваа ракета се тестира во суборбитални висини, односно да се тестира способноста на истата за вертикално полетување и слетување.
Наредната верзија која ќе треба да лета до орбитата на Земјата, Маск истакнува дека ќе биде повисока.