Google се на ред, оваа година доста порано, да ги претстават нивните најнови уреди на настанот „Made by Google“ кој се одржува денеска. Сите ќе можат да го следат во живо преку YouTube, а во Македонија започнува во 19:00 часот.
Карактеристично за Google, дел од уредите кои ќе бидат претставени тие веќе ги прикажаа, па не моравме да размислуваме дали неофицијалните слики и информации се навистина точни.
Google официјално ги прикажа, иако само во мал дел, Pixel 9 Pro и Pixel 9 Pro Fold. Вниманието го привлече втората генерација од Pixel Fold која добива нов начин на именување, па од компанијата се решија овој уред да го направат дел од другите со додавката Fold на крајот, наместо да биде целосно посебна категорија.
Покрај овие два уреди, се очекува дека Pixel линијата ќе има уште два, односно основен Pixel 9 и поголем Pixel 9 Pro XL.
Сите четири Pixel уреди добиваат нешто поразличен изглед од минатата година, а најзабележлив е новиот модул за камерите кој е целосно редизајниран, за разлика од трендот кај конкурентите да го прават тоа не 4-5 години.
Уште два уреди се очекува дека ќе бидат претставени на настанот, а тоа се Pixel Watch 3, односно третата генерација од паметниот часовник од Google, како и Pixel Buds Pro 2.
Гледајте го настанот со почеток во 19:00 часот на следното видео.
