Во понеделник идната недела, поточно 5ти јуни, започнува годинешната WWDC конференција наменета за програмерите. Како и кај другите слични конференции, WWDC е местото каде ќе ги дознаеме повеќето новини поврзани со оперативните системи од Apple, а се очекува и претставување на неколку нови компјутери, како и првиот уред за проширена реалност.
Од компанијата ги истакнаа неколкуте начини на кои може да се гледа настанот во живо, односно преку страната на настанот на овој линк, а според нас YouTube е секогаш најдобриот избор.
Видеото за настанот веќе е поставено на YouTube, што значи дека може да се притисне да се постави потсетник, па да не се заборави да се гледа. Инаку настанот ќе започне во 17:00 часот по македонско време.
