Со Ninja Sphere и безжична интернет конекција во вашиот дом, ќе бидете на пат да го поврзете секој ваш електронски уред со паметен интерфејс. Ninja Sphere доаѓа од креаторите на Ninja Block, многу слично парче хардвер што функционира со истиот код, но не функционира со дисплеј, гестови или радио врска. Ninja Sphere всушност ја претставува неговата надградба.
Ninja Sphere учи за вас и вашата околина, па со користење на податоци од сензорите гради модел кој ќе ве информира. Може да ја мониторира температурата, осветлувањето, употребата на енергија, вашето присуство и присуството на вашето милениче и се друго што ќе поврзете на вашата “сфера”. Со користењето на податоци од уредите, околината и локацијата, паметниот уред е во можност да ве советува и да ви даде контрола само кога има потреба од тоа.
Spheramid е портата која го овозможува функционирањето на сферата. Сферата е безжичната мрежа која се состои од една или повеќе вакви порти, локациски точки и сите ваши уреди. Во зависност од големината на домот се поставуваат повеќе spheramid-и, а локациските точки се USB уреди кои дејствуваат како дополнителни јазли.
Со користење на GPS, ZigBee, Wi-fi и Bluetooth LE (Low Energy, Bluetooth 4.0), уредот е способен да ги лоцира паметните уреди во вашиот дом. Ninja Sphere може да ги детектира GPS и Bluetooth LE сигналите и нивниот опсег, па креира мапа на паметните уреди во вашиот дом со користење на трилатерација, механизам кај кој со пресекот на 3 или повеќе преклопувачки сигнали може да се одреди локацијата на даден објект.
Системот е во можност да го надгледува секој објект во околината ако на него се прикачи паметен Bluetooth таг. Ова отвара безброј можности, како на пример надгледвање на вашето милениче кога не сте дома, или пак може да ви го олесни барањето на клучевите и слично.
Можно е и сетирање на правила и Ninja Sphere автоматски да преземе акција како одговор на однапред дефинирани ситуации, како на пример вклучавање на светло кога ќе влезете во одредена просторија, или пак вклучување на греењето додека сте на пат кон дома.
Ninja Sphere е достапен за предвремени порачки по цена од 329$ со безплатна достава, a се очекува да се започне со доставата во Октомври 2014.
Извор: Kickstarter, Engadget
