Intel започна нова кампања преку која ги промовира PC лаптоп компјутерите од Intel Evo платформата. Тоа го прави на секогаш интересен начин за следење со критика на својот конкурент и истакнувајќи неколку од неговите недостатоци, барем според Intel во овој случај.
„Нападот“ на Apple од страна на Intel може да се каже и дека е очекуван, со оглед на одлуката на Apple да развива сопствен чип и со тек на време се повеќе да ја намалува зависноста од Intel. На ова треба да се додадат одличните оценки на нивниот M1 чип, кој не ретко е прикажан како доста подобар од чиповите на Intel во истата категорија.
Кампањата на Intel е направена на начин кој истакнува дека доколку имате можност да ги правите одредени активност, тогаш значи дека не користите Mac, со заклучок на крајот дека треба да купите PC.
„Ако можете да поминувате низ Photoshop слики со вашиот вистински палец, вие не сте на Mac“, кажува еден од флаерите на кампањата.
Двете објави кои ги има Intel го критикуваат недостатокот на екран на допир, како и недостатокот на игри на Mac компјутерите, а носат до видео во кое се промовира Intel Evo платформата. Видеото можете да го погледнете во продолжение.
