Facebook постигна договор за купување на познатата апликација за испраќање на пораки WhatsApp. Сумата на која што е направен договорот изнесува 16 милијарди долари, односно 4 милијарди во готово и 12 милијарди во форма на акции од Facebook. Исто така Facebook ќе овозможи дополнителни 3 милијарди во форма на ограничени акции за основачите и вработените на WhatsApp.
Според постигнатиот договор Facebook ќе треба да исплати 1 милијарда долари во случај да поради одредени причини договорот не биде спроведен, како не добивање на потребните дозволи од регулаторите. Исто така Facebook ќе треба да им издаде и обични акции на WhatsApp во вредност од 1 милијарда долари.
Како што истакнуваат во своето соопштение, WhatsApp има повеќе од 450 милиони корисници што го користат сервисот секој месец, 70% од тие луѓе се активни во даден ден, раст на корисничката база од 1 милион корисници на ден.
WhatsApp е на пат да поврзе 1 милијарда луѓе. Сервисите кои што успеваат да стигнат до таа точка се неверојатно вредни. Го познавам Јан подолго време и сум возбуден да бидам партнер со него и неговиот тим за да го направиме светот поотворен и повеќе поврзан. – Mark Zuckerberg
Jan Koum ко – основачот и главен извршен директор на WhatsApp ќе се приклучи на бордот на директор на Facebook. WhatsApp ќе продолжи да функционира и да се развива како посебна единка во новата компанија.
Извор: Facebook