Tesla официјално ја пушти интеграцијата на нивниот систем за забава со Steam сервисот за игри. Со ова, сопствениците на поновите Model S и Model X од оваа година, ќе можат да ги играат достапни повеќе од 6000 игри на Steam.
Достапноста кај овие модели е во главно поради подобрите карактеристики кои ги има системот, заедно со 17 инчниот екран во „пејзаж“ позиција и 16GB RAM.
Игрите кои се достапни се тие кои се верификувани како прилагодени за играње преку Steam Deck, мала играчка конзола од компанијата која работи на SteamOS. Ова е систем направен на основа на Linux, па не сите игри кои им се достапни на PC корисниците може да се играат.
Во Tesla корисниците ќе можат да поврзат контролери, но и глувче и тастатура. Ова секако не е замислено да може да се користи при возење, од познати причини, но можноста за забава при подолги периоди на чекање е тука.