Новата Twitter Blue претплата беше пуштена, па за кратко време тргната поради појавата на проблеми со во главно имитација на профилите. Повторното пуштање требаше да се случи на 29-ти овој месец, но Елон Маск објави дека тоа се одложува.
Одложувањето ќе биде додека не бидат сигурни дека имаат начин како да ги спречат имитациите на профилите, а еден начин кој Маск го наведе е можноста да се користи различна боја кај беџот за организациите и индивидуалните профили.
Уште еден начин кој беше претходно објавен за справувањето со потенцијалните проблеми е неможноста за претплата од страна на новите сметки во рок од 90 денови.
Маск непотребно направи проблем менувајќи ја намената на синиот беџ и овозможувајќи им на сите кои ќе ја плаќаат месечната Twitter Blue претплата да го добијат. Досега овој беџ се користеше да се означат профилите кои се проверени и потврдени од страна на Twitter дека се на некоја јавна личност, институција, актер и слично.
Можноста да секој кој ќе плаќа 8 долари месечно го има овој беџ направи забуна кај луѓето кои се’ уште навикнати што претставува тој, не бидат сигурни дали профилот што го гледаат е верификуван.
Една од причината за ваквата одлука од страна на Маск е желбата повеќе корисници да плаќаат за користењето на Twitter, а со тоа доста голем дел од приходите на компанијата да бидат од овие претплати, поточно над 50%.
Ќе видиме како ќе биде решен овој проблем, а сигурни сме дека Маск навремено ќе „твитне“ некоја информација.